“Binolardan foydalanish va kapital qurilish direksiyasi” davlat muassasasi O‘zbekiston Respublikasi Vazirlar Mahkamasining 2020-yil 25-iyuldagi 409-sonli “O‘zbekiston Respublikasi axborot texnologiyalari va kommunikatsiyalarini rivojlantirish vazirligi tizimidagi ayrim tashkilotlarning faoliyatini tashkil etish chora-tadbirlari to‘g‘risida”gi Qaroriga asosan, tashkil etilgan. Davlat muassasasining vazifalari quyidagilardan iborat:

- Vazirlik va uning tizimidagi tashkilotlarning bino va inshootlarini qurish, rekonstruksiya qilish va kapital ta’mirlash ishlariga buyurtmachi vazifasini bajarish, amalga oshiriladigan qurilish ishlarini texnik kuzatish va obyektlar qurilishi ustidan texnik nazoratni amalga oshirish;

- davlat xaridlari to‘g‘risidagi qonun hujjatlari talablari asosida Vazirlik va uning tarkibidagi tashkilotlarning bino va inshootlarini qurish, rekonstruksiya qilish va kapital ta’mirlash ishlarini amalga oshirish yuzasidan pudratchilarni tanlab olish, shuningdek, tovarlar (ishlar va xizmatlar) xarid qilish yuzasidan davlat xaridlarini, shu jumladan, elektron xaridlarni amalga oshirish;

- Vazirlik va uning tarkibidagi tashkilotlarning bino va inshootlarini ekspluatatsiya qilish va xizmat ko‘rsatish, ulardan belgilangan me’yorlarga muvofiq foydalanish xizmatini samarali tashkil etish, jumladan, yong‘in xavfsizligi, sanitariya qoidalariga, shaharsozlik normalariga rioya qilish;

- bino va inshootlardan foydalanish va ta’mirlash bilan bog‘liq masalalarni kompleks hal etish; umumqurilish ishlarini tashkil qilish; ishchi kuchlanishi 1000 Voltgacha bo‘lgan elektr qurilmalarni loyihalashtirish, montaj qilish va ishga tushirish;

- qo‘riqlash va yong‘inga qarshi signalizatsiya tizimlari bo‘yicha loyihalashtirish, montaj va ishga tushirish ishlari amalga oshirish;

- Vazirlik va uning tarkibidagi tashkilotlarning bino va inshootlariga kirish-chiqish bo‘yicha nazorat tizimlarini (shu jumladan, tele va videokuzatuv tizimlarini) loyihalashtirish, montaj qilish va ishga tushirish;

- Vazirlik va uning tarkibidagi tashkilotlar bilan doimiy ishlaydigan ichki va tashqi aloqa tizimlari, elektr energiyasi, tabiiy gaz, suv va boshqa kommunikatsiya tarmoqlari, shuningdek, isitish va sovutish tizimlarining uzluksiz hamda sifatli ishlashini tashkil etish;

- Vazirlik va uning tarkibidagi tashkilotlarni transport xizmati bilan ta’minlash hamda moddiy-texnik ta’minotini tashkil qilish;

- xizmat transport vositalarini texnik me’yorlar talablariga muvofiq saqlash va ta’mirlash, xizmat transport vositalarini boshqarish uchun malakali haydovchilar bilan ta’minlashni tashkil etish, qonun hujjatlarida belgilangan muddatlarda davlat yo‘l harakati xavfsizligi organlarida texnik ko‘rikdan o‘tkazilishini ta’minlash, barcha zaruriy ehtiyot qismlar bilan ta’minlashdan iborat.

Bo‘sh ish o‘rinlari

Direksiyaning ishlash tamoyillari

So'nggi yangiliklar

O‘zbekiston Respublikasi Raqamli texnologiyalar vazirligi faoliyatining asosiy vazifalari va yo‘nalishlari quyidagilardan iborat:

So'nggi yangiliklar

So'nggi yangiliklar

So'nggi yangiliklar

Ishonch telefoni

Elektron pochta

Elektron pochta

Direksiya haqida

Bo‘limlar

Ochiq ma'lumotlar

© 2001-2026 yil. Barcha huquqlar himoyalangan.

Ishlab chiquvchi: